گلبرگہ: گلبرگہ شمال سے کانگریس پارٹی کی رکن اسمبلی کنیز فاطمہ نے ای ٹی وی بھارت سے خصوصی گفتگو کرتے ہوئے بتایاکہ کرناٹک اسمبلی انتخابات میں انھیں دوسری مرتبہ کامیابی حاصل ہوئی ہے۔ گلبرگہ مسلم اکثریتی علاقہ ہے، یہاں پر سب سے زیادہ مسلم ووٹرس موجود ہیں۔ گلبرگہ میں پچھلے 40 سال سے مسلم امیدوار کو ہی کامیابی حاصل ہو رہی ہے۔
مرحوم قمرالسلام کے انتقال کے بعد انھیں مسلسل دوسری مرتبہ کامیابی حاصل ہوئی ہے۔ کرناٹک میں حجاب کو لیکر کئ اسکول کالجوں میں طلبہ کو پریشان کیا جارہا تھا۔ کنیز فاطمہ نے بتایا کہ کرناٹک میں بی جے پی حکومت نے اسکول کالجوں میں حجاب پر پابندی عائد کی تھی۔ خاص کر حجاب کی مخالفت کر نے والے منگلور کے بی جے پی رکن اسمبلی اور بی جے پی وزیر تعلیم کو اس بار کے 2023 اسمبلی انتخابات میں شکست کا سامنا کرنا پڑا۔
کئی ریاستوں سے کرناٹک کی واحد مسلم رکن اسمبلی کنیز فاطمہ کو مبارکباد پیش کی جارہی ہے۔گلبرگہ میں اسمبلی انتخابات کے دوران ان کو شکست دینے کے لئے وزیر اعظم نریندرمودی اور دیگر بی جے پی کے لیڈران نے دورہ کیا تھا۔ مگر انھیں یہاں عوام نے مرحوم قمر السلام کے اتحاد کو برقرار رکھتے ہوئے انھیں دوسری مرتبہ بھی کامیابی دلائی ہے۔ اور انھوں نے کہا کہ کرناٹک میں کانگریس پارٹی اکثریت کے ساتھ میں کامیابی حاصل کی ہے۔
انہوں نے کہا کہ یہاں کانگریس حکومت اقتدار میں آئی ہے۔بی جے پی حکومت نے کرناٹک میں مائیناریٹی کی کئ اسکیموں کو منسوخ کیا ہے۔ اس کو دوبارہ واپس جاری کر نے کے لئے وزیر اعلی سدارامیا سے ملاقات کر یں گی۔ بہت جلد کرناٹک حجاب پابندی اور گاوکشی بل ،2 بی ریزورشن کو واپس لینے کا مطالبہ بھی کریں گی۔
