کرناٹک میں ٹیکسی ڈرائیور کا قتل، بیٹے پر شبہ

کرناٹک میں پیر کے روز ایک ٹیکسی ڈرائیور کو تین افراد نے مل کر قتل کر دیا اور شبہ ہے کہ ملزموں میں ڈرائیور کا بیٹا بھی شامل ہے۔

ٹیکسی ڈرائیور کا قتل اس وقت کیا گیاجب وہ آج صبح بیلتھنگاڑی جونیئر کالج روڈ کے سامنے سیر کرنے گیا تھا۔ پولیس نے بتایا کہ مقتول کا نام واسو سپالیہ (65) ہے اور وہ بیلتھنگاڑی میں ٹیکسی ڈرائیور کے پر طور پر کام کرتا ہے۔ یہ شبہ ہے قتل میں اس کے دوسرے بیٹے دیانند (38) کا ہاتھ ہے اور دونوں کے درمیان جائیداد کو لے کر جھگڑاچل رہا تھا۔

دیانند اکثر شراب پی کر اپنے والد سے لڑائی کرتا تھا اور معاملہ تھانے تک پہنچ چکا تھا۔دیانند آج صبح واسو کے قتل کے بعد سے لاپتہ ہے اور اس کا موبائل فون بھی بند ہے۔ادھر پولیس کے اعلی افسران نے جائے وقوعہ کا دورہ کیا ہے۔

بیلتھنگاڑی پولیس نے معاملہ درج کرکے جانچ شروع کردی ہے ۔ پولیس کو موقع سے ایک تیزدھار ہتھیار ملا ہے۔