یادگیر: طلباء و طالبات کے درمیان کپڑے تقسیم

مجلس اتحادالمسلمین کی جانب مدرسہ وحیدہ نسواں میں طلباء و طالبات کے درمیان کپڑے تقسیم کئے گئے۔

کرناٹک کے ضلع یادگیر میں کل ہند مجلس اتحادالمسلمین کی جانب سے شہر میں واقع مدرسہ وحیدہ نسواں میں طلباء و طالبات کے درمیان کپڑے تقسیم کئے گئے۔

اس موقع پر کل ہند مجلس اتحادالمسلمین کے صدر ذاکر احمد سوداگر نے کہا کہ 'موجودہ حالات میں ہمارا فرض ہے کہ ہم تمام مخلوق کے کام آئیں۔'

انہوں نے کہا کہ کورونا کے اس مشکل دور میں جہاں عام انسان پریشان حال ہے وہیں ہم نے دینی مدارس کے طلباء وطالبات کے درمیان کپڑے کی تقسیم عمل میں لا کر صرف انسانیت کا فرض ادا کیا ہے۔

ذاکر احمد سوداگر نے مزید کہا کہ صاحب نصاب احباب کو چاہیے کہ وہ دینی مدارس میں پڑھ رہے بچوں کی کفالت کریں اور دینی مدارس کے ذمہ داران کا تعاون کریںاس موقع پر کل ہند مجلس اتحادالمسلمین شاخ یادگیر کے سیکرٹری شیخ حنیف اور ضلع جنرل سیکرٹری اکرام الدین شاہ موجود تھے۔