ریاست کرناٹک کے ضلع یادگیر کی فلاحی تنظیم کرناٹک مسلم یوتھ کمیٹی کے ریاستی صدر ذاکر احمد سوداگر نے میڈیا سے بات کرتے ہوئے کہا کہ سابق مینارٹی کمیشن کے چیئرمین اور بی جے پی رہنما انور مانیپاڈی کے بیان کی مذمت کی۔
انھوں نے کہا کہ انور مانیپاڈی نے اپنے دورے گلبرگہ کے موقع پر ایک مقامی نیوز چینل کو دیےانٹرویو میں مرحوم کانگریس رہنما ڈاکٹر قمرالاسلام،دھرم سنگھ موجودہ رکن اسمبلی کنیز فاطمہ اور رکن پارلیمان ملکارجن کھرگے کے خلاف غیر شائستہ الفاظ استعمال کیے ہیں۔ 'جس کی ہم پر زور مذمت کرتے ہیں۔'
ذاکر احمد سوداگر نے مطالبہ کیا کہ انور مانیپاڈی اپنا بیان واپس لیں اور میڈیا کے سامنے آ کر معافی مانگیں۔ انہوں نے کہا کہ مذکورہ رہنما نے مرحومین کے حق میں غیر شائستہ اور توہین آمیز الفاظ استعمال کیے۔ جس کے لیے انھیں معافی مانگنی چاہیے۔
ذاکر احمد سوداگر نے کہا کہ 'جہاں تک وقف بورڈ کی اراضی پر ناجائز قبضوں کی بات ہے ہم سب آپ کا ساتھ دیں گے۔'
