Hijab Clad Doctor Clinic for Poor: باحجاب طالبہ کی ڈاکٹری میں نمایاں کامیابی، چیرٹیبل کلینک کا افتتاح

رام نگر کے دیہی علاقہ یارب نگر کی مسجد یوسف کے پیش امام کی باحجاب بیٹی نے ڈاکٹری میں نمایاں نمبرات سے کامیابی حاصل کی۔Daughter of Ya rab Nagar village Becomes Doctor

بنگلور: مسجد یوسف کے امام کی باحجاب بیٹی غوثیہ فاطمہ نے ڈاکٹری کی ڈگری حاصل کی اور خدمت خلق کی نیت سے مسجد کے ہی احاطے میں ایک چیریٹیبل کلینک کا افتتاح امام محمد مقیم الدین اور نیوز ایج ہیرالڈ کے ایڈیٹر این اے چودھری کے ہاتھوں عمل میں آیا۔ اس سلسلے میں مولانا ظہیر الدین قادری نے کہا کہ بلا شبہ یارب نگر علاقے کے رہائشیوں کے لیے یہ ایک خوشی کی بات ہے اور امید ہے کہ ڈاکٹر غوثیہ فاطمہ کی خدمات نوجوانوں کے لیے مشعل راہ ثابت ہونگی۔

مولانا ظہیر الدین قادری نے کہا کہ یارب نگر کی مسجد یوسف کے امام محمد مقیم الدین کی بیٹی غوثیہ فاطمہ نے نہ صرف ڈاکٹری کی ڈگری حاصل کی بلکہ گاؤں کی غریب عوام کی خدمت کے لیے ایک چیئرٹیبل کلینک بھی کھولا۔ واضح رہے کہ مسجد یوسف گزشتہ برسوں میں کورونا وبا کے دوران کووڈ کے متاثرین کے لئے قابل ستائش خدمات انجام دی تھی. مسجد میں نہ صرف کوویڈ سینٹر بنایا گیا تھا بل کہ غریبوں و مسکینوں کے لئے لنگر کا بھی اہتمام کیا گیا تھا۔