تین مسلم نوجوان چیف منسٹر ایوارڈ سے سرفراز

سول ڈیفینس میں نمایاں خدمات انجام دینے والے 22 سول ڈیفینس والنٹیرز میں سے 3 مسلم نوجوانوں کو چیف منسٹر ایوارڈ سے نوازا گیا ہے۔

کرناٹک کے بنگلور میں سول ڈیفینس میں نمایاں خدمات انجام دے رہے 3 مسلم نوجوانوں کو چیف منسٹر ایوارڈ سے سرفراز کیا گیا۔

اطلاعات کے مطابق سول ڈیفینس حکومت کی والنٹری آرگنائزیشن ہے، جسے فسٹ ریسپانڈر کہا جاتا ہے، اس میں سول ڈیفینس کے والنٹیرز کو باقاعدہ آفات سے نمٹنے کی تربیت دی جاتی ہے۔

بنگلور کے اربن ضلع میں کل 15،000 والنٹیرز تعینات ہیں۔ جن میں نمایا خدمات انجام دینے والے 22 سول ڈیفینس والنٹیرز میں سے 3 مسلم نوجوانوں کو چیف منسٹر ایوارڈ سے نوازا گیا ہے، جن میں سید فواض اللہ کا نام بھی شامل ہے۔

اس موقع پر سید فواض اللہ نے خوشی کا اظہار کرتے ہوئے کہا کہ 'اس قسم کے ایوارڈز ملت کے لئے نہایت فخر کی بات ہے، لہذا مسلم نوجوان سماجی خدمات میں پیش پیش رہ کر انسانیت کی فلاح کا کام کریں۔