احتیاط کے ساتھ عید الضحیٰ منائیں: سی ایم ابراہیم

کورونا وائرس نے تمام انسانیت کو دہشت کے ماحول میں ڈال دیا ہے اور ان حالات میں عید الاضحٰی قریب آرہی ہے جس سے متعلق لوگوں میں تذبذب برقرار ہے کہ عید الضحیٰ کس طرح منائی جائے۔

کورونا وائرس کے درمیان عید الضحیٰ پر ریاست کرناٹک کے دارالحکومت بنگلور کے ایم ایل سی اور سابق مرکزی وزیر سی ایم ابراہیم نے پریس کانفرنس میں نامہ نگاروں کو بتایا کہ عید الضحٰی میں قربانی کا فریضہ اور نماز کے معاملے سے متعلق انہوں نے وزیر اعلیٰ سے ملاقات تھی جس کے نتیجے میں وزیر اعلیٰ کی ہدایت پر محکمہ اقلیتی بہبود کی جانب سے احکامات جاری کئے گئے ہیں۔

سی ایم ابراہیم نے بتایا کہ حکومت کی جانب سے عید قرباں منائے جانے پر کوئی پابندی نہیں ہے تاہم اس دوران احتیاط انتہائی ضروری ہے اور قربانی کا فریضہ اور نماز ادا کرتے وقت حکومت کی تمام گائیڈ لائنز کا خیال رکھیں اور حکومت کے ساتھ تعاون کریں۔