راما نگرا (کرناٹک): کنکا پورہ جے ایم ایف سی کورٹ نے مویشیوں کی نقل و حمل کے بہانے ایک مویشی تاجر کی مشتبہ موت کے معاملے میں سماعت کرتے ہوئے ملزم پونیت کیری ہلی اور چار دیگر کو سات دن کے لیے پولیس ریمانڈ میں بھیج دیا گیا ہے۔ پانچ اپریل کو پونیت کیری ہلی اور چار دیگر افراد کو راجستھان کے ستانور تھانہ کی پولیس نے تاجر ادریس پاشا کے قتل معاملے میں گرفتار کیا تھا۔ ہندو کارکن پونیت کیری ہلی، جو قتل کیس کا اہم ملزم ہے، اور اس کے چار ساتھیوں کو اتوار کو راجستھان کے رام نگر ضلع کے کنکا پور لایا گیا۔ بعد ازاں پولیس نے ملزم کو کنکا پورہ جے ایم ایف سی جج کے سامنے پیش کیا۔ بعد ازاں عدالت نے ملزمین کو مزید تفتیش کے لیے سات دن کے لیے پولیس ریمانڈ میں بھیج دیا ہے۔ پولیس نے عدالت سے ملزمین کو مزید تفتیش کے لیے تحویل میں دینے کی استدعا کی تھی۔ اسی تناظر میں عدالت نے پولیس کی استدعا منظور کرتے ہوئے ملزمین کو سات روز کے لیے پولیس تحویل میں دینے کا حکم دیا۔
رام نگر کے ایس پی، پی کارتک ریڈی نے بدھ کو بتایا تھا کہ راجستھان کے سرحدی ضلع بناسواڑہ میں پانچ ملزمین کو گرفتار کیا گیا ہے۔ واضح رہے کہ 31 مارچ کو ضلع رام نگر کے کنکا پورہ تعلقہ میں ستانور کے پاس مویشیوں کی غیر قانونی نقل و حمل کے بہانے پونیت کیری یلی سمیت پانچ لوگوں نے مبینہ طور پر کینٹر کو روک کر مویشیوں کو باہر نکالا۔ جس کے بعد کینٹر ڈرائیور کی مشکوک حالت میں موت ہو گئی۔ متوفی کی شناخت منڈیا کے رہنے والے ادریس پاشا کے طور پر ہوئی۔ ادریس پاشا کے اہل خانہ نے شکایت کی کہ یہ قتل ہے۔ ساتھ ہی انہوں نے مناسب کارروائی کا مطالبہ کرتے ہوئے احتجاج بھی کیا۔ گجرات اور راجستھان پولیس نے پونیت کیری ہلی، گوپی، پون کمار، پیلینگ امبیگر، سریش کمار کو گرفتار کیا ۔ وہیں ایس پی کارتک ریڈی نے بدھ کے روز بتایا تھا کہ راجستھان کی عدالت سے اجازت لے کر یم ملزمین کو رام نگر لائیں گے، ملزمین گزشتہ پانچ روز سے فون کرکے روپوش تھا، انہوں نے بتایا تھا کہ ملزمین کو موبائل لوکیشن کی بنیاد پر گرفتار کیا گیا۔
یہ بھی پڑھیں : Mob Lynching in Ramanagara مویشیوں کی منتقلی کے دوران ایک شخص کی مشتبہ موت، ایف آئی آر درج
