ریاست کرناٹک کے ضلع یادگیر میں کورونا وائرس کی روک تھام کے لیے لگائے گئے لاک ڈاؤن کے ختم ہونے پر آج صبح سے یادگیر سینٹرل بس اسٹینڈ میں دوبارہ بس سروس شروع کی گئی ہے.
یادگیر سینٹرل بس اسٹینڈ ٹریفک کنٹرولر ہمیش نے میڈیا سے بات کرتے ہوئے کہا کہ ضلع یادگیر میں لاک ڈاؤن کے بعد صبح سات بجے سے ہی اندرونی ضلع کے لئے بس سروس شروع کی گئی ہے۔جس میں تعلقہ شاہ پور، شورپور ، گرمٹکل کے علاوہ گلبرگہ، بیجاپور اور بنگلور کے لئے بھی بس سروس شروع کی گئی ہے۔
واضح رہے کہ یادگیر ضلع انتظامیہ کی ہدایت پر بس سروس شروع کی گئی ہے۔
انہوں نے کہا کہ ضلع میں دیہاتوں کے لیے بھی بہت جلد سروس شروع کی جائے گی۔
یہ بھی پڑھیں: 'جنتادل ایس دوبارہ اقتدار میں آئے گی'
انہوں نے کہا کہ مسافروں کو سینیٹائزر کے علاوہ تھرمل اسکریننگ کی جا رہی ہے اور ہر بس میں صرف 30 مسافروں کو ہی بٹھایا جا رہا ہے۔
محکمہ صحت کے ذمہ داران مسافرروں کو سماجی فاصلہ برقرار رکھنے اور کورونا وائرس سے بچنے کے لیے بتائےگئے احتیاطی اقدامات پر عمل کرنے پر زور دے رہے ہیں۔
غور طلب ہے کہ یادگیر ضلع میں بس سروس شروع کیے جانے کے بعد بھی سینٹرل بس اسٹینڈ یادگیر میں مسافروں کی بہت کم تعداد دیکھی گئی ہے۔
