لاک ڈاؤن کے دوران غریبوں کے لیے مفت کھانے کا انتظام

کورونا وائرس کی روک تھام کے سلسلے میں حکومت کی جانب سے 21 دنوں کے لیے پورے ملک میں لاک ڈاؤن کیا گیا ہے جس کی وجہ سے مزدور طبقہ کو کھانے پینے کے لیے پریشان ہونا پڑ رہا ہے۔

لاک ڈاؤن کے پیش نظر ان افراد کو سب سے زیادہ پریشانیوں کا سامنا کرنا پڑ رہا ہے جو روزانہ کی بنیاد پر کام دھندہ کر کے اپنا پیٹ پالتے تھے۔

ان حالات میں کرناٹک کے دارالحکومت بنگلور کے شیواجی نگر کے سماجی کارکن تنویر احمد نے غریب و مجبور افراد کے لیے مفت کھانے کا انتظام کیا ہے، یہ روزانہ قریب 500 افراد کو مفت کھانے کے پیکیٹس پہنچانے کا کام کرتے ہیں۔

اس کے علاوہ تنویر احمد ان مزدور افراد میں سرجیکل ماسک اور سینیٹائیزر بھی تقسیم کرتے ہیں۔