بنگلور محکمہ صحت کی جانب سے جاری اعداد و شمار کے مطابق کرناٹک گزشتہ 24 گھنٹوں میں 3 ہزار نئے معاملات سامنے آئے ہیں جس کے بعد ریاست میں متاثرین کی تعداد 44 ہزار 77 ہوگئی ہے جبکہ اس میں سے 17390 افراد پوری طرح صحتیاب اور 842 لوگوں کی موت ہوئی ہے۔
فی الحال ریاست میں 25 ہزار 845 فعال کیسز ہیں۔
کورونا وائرس کے تیزی سے پھیلاؤ سے متعلق وزیر صحت شری رامولو نے کہا کہ 'اس وبا سے ہمیں خدا ہی بچا سکتا ہے، ریاستی حکومت کی جانب سے کووڈ 19 میں کسی قسم کی روک تھام ممکن نہیں ہوپارہی ہے اور کثیر تعداد میں لوگ اس کا شکار ہورہے ہیں۔
واضح رہے کہ کورونا وائرس کے بڑھتے ہوئے معاملات کی روک تھام کے لیے ریاستی حکومت نے بنگلور تمام علاقوں میں 14 جولائی سے 22 جولائی تک مکمل لاک ڈاؤن کر دیا ہے، حالانکہ اس دوران اشیائے ضروریہ اور طبی خدمات جاری رہیں گی۔
