گلبرگہ کمشنر آفس کے سامنے زرعی بلز کے خلاف عام آدمی پارٹی نے مظاہرہ کیا اور اس موقع پر پارٹی رہنما ڈاکٹر عمران نے خطاب کرتے ہوئے مرکزی حکومت پر من مانی کرنے کا الزام عائد کیا اور کہا کہ اس بل کی وجہ سے ملک بھر کے کسان پریشان ہیں۔
انہوں نے کہا کہ مرکزی حکومت کسانوں کے مسائل حل کر نے بجائے کسانوں کی مشکلات میں اضافہ کرنے کی کوشش کر رہی ہے جبکہ کسانوں کا ملک کی ترقی میں اہم رول ہوتا ہے۔
عام آدمی پارٹی کے رہنما نے مزید کہا کہ مرکزی حکومت مخالف عوام پالیسیوں پر عمل پیرا ہے جس کی وجہ سے عام عوام اور کسانوں کو کافی مشکلات پیش آرہی ہیں۔ انہوں نے متنازعہ بل کو کسانوں کےلیے خطرناک قرار دیتے ہوئے کہا کہ پارلیمنٹ میں زرعی بل کو غیردستوری طریقہ سے منظور کرایا گیا۔
انہوں نے کہا کہ بل کی مخالفت کرنے والے عام آدمی کے رکن پارلیمنٹ سنجے سنگھ کے بشمول 8 ارکان کو راجیہ سبھا سے ایک ہفتہ کےلیے معطل کردیا گیا جسکی ملک بھر میں مذمت کی جارہی ہے۔
