ریاست کرناٹک کے ضلع گلبرگہ میں کورونا کے بعد اب بلیک فنگس کے متاثرین کی تعداد میں روزانہ اضافہ ہو رہا ہے۔ شہر میں بلیک فنگس کے 13 مریضوں کا پتہ چلا ہے۔ ان میں سے 7 مریض سرکاری اسپتال میں اور 5 مریض خانگی اسپتالوں میں زیر علاج ہیں۔
گلبرگہ شہر میں ایک کانسٹیبل اور ایک ایک ٹیچر کی بلیک فنگس سے موت ہونے کی اطلاع ہے۔
وہیں ڈاکٹر امیش جادھو اور سرکاری خانگی اسپتال کے ڈاکٹروں کا ایک اجلاس منعقد کیا گیا جس میں حالات کا جائزہ لینے پر بلیک فنگس سے 13 افراد کے متاثر ہونے کی اطلاع دی۔
اس اجلاس میں ایک شخص نے شرکت کر تے ہوئے بتایا کہ میری آنکھوں میں تھوڑی تکلیف ہو رہی ہے، اس شخص نے بتایا کہ وہ دو ہفتے قبل کورونا سے متاثر ہوا تھا جس کے بعد وہ شخص اس بات سے خوفزدہ تھا کہ کہیں وہ بلیک فنگس سے تو متاثر نہیں ہوا ہے۔
جس کے بعد اس شخض کی طبی جانچ کے دوران بلیک فنگس کی تصدیق ہوئی۔
وہیں گلبرگہ میں کورونا وائرس کے بعد اب عوام بلیک فنگس سے تشویش میں ہیں۔
