رانچی: جھارکھنڈ حکومت نے کل شام وزیر اعلی کے سکریٹری ونے کمار چوبے کو اطلاعات اور تعلقات عامہ کے سکریٹری کا اضافی چارج دیا تھا، لیکن حکومت نے ونے کمار چوبے کو محکمہ اطلاعات اور تعلقات عامہ کا سکریٹری بنانے کا فیصلہ واپس لے لیا ہے۔ ریاست کے پرسنل ایڈمنسٹریٹو ریفارمز اینڈ آفیشل لینگویج ڈیپارٹمنٹ نے جمعہ کی دیر رات اس سلسلے میں ایک نوٹیفکیشن جاری کیا۔ واضح رہے کہ ونے کمار چوبے اس وقت وزیراعلی کے سکریٹری کے طور پر تعینات ہیں۔ اس کے علاوہ چوبے کے پاس شہری ترقی اور ہاؤسنگ ڈپارٹمنٹ کے سکریٹری، ایکسائز اینڈ پرہیبیشن ڈپارٹمنٹ سکریٹری، جڈکو کے منیجنگ ڈائریکٹر اور گریٹر رانچی ڈیولپمنٹ ایجنسی (جی آر ڈی اے)کے منیجنگ ڈائریکٹر کا اضافی ذمہ داریاں ہے۔
- یہ بھی پڑھیں: IPS Muhammad Qasim محمد قاسم ارول ضلع کے ایس پی مقرر
واضح رہے کہ جھارکھنڈ حکومت کے تین آئی اے ایس افسران کو بڑی ذمہ داری سونپی گئی ہے۔ جھارکھنڈ میں آئی اے ایس افسران کی بہت زیادہ کمی ہے۔ جس کی وجہ سے ایک ایک افسر کو کئی محکموں کی ذمہ داری سونپی گئی ہے۔ اس کمی کی وجہ مرکزی ڈیپوٹیشن پر آئی اے ایس افسران کی مسلسل روانگی کو اہم وجہ قرار دیا جا رہا ہے۔ منظور شدہ 215 عہدوں میں سے صرف 145 آئی اے ایس افسران ملازم ہیں، جن میں سے 2 درجن سے زیادہ افسران مرکزی ڈیپوٹیشن پر ہیں۔ پروویژن کے مطابق کیڈر کی تعداد کے مطابق 48 آئی اے ایس افسران مرکزی ڈیپوٹیشن پر جا سکتے ہیں۔ حال ہی میں کے کے سون، آرادھنا پٹنائک، ہمانی پانڈے کو ریاستی حکومت نے مرکزی ڈیپوٹیشن پر جانے کے لیے ہری جھنڈی دی ہے۔
یو این آئی
