کانپور: اترپردیش کے کانپور میں ہفتے کے روز ایک گدے کی فیکٹری میں آگ لگنے سے چھ مزدوروں کی موت ہو گئی۔ پولیس نے لاشوں کو پوسٹ مارٹم کے لیے بھیج دیا ہے۔
ہفتہ کے روز کانپور دیہات کے رانیہ میں گدے کی ایک فیکٹری میں اچانک آگ لگ گئی۔ کچھ ہی دیر میں آگ نے خوفناک شکل اختیار کر لی جس کی وجہ سے فیکٹری میں کام کرنے والے مزدور پھنس گئے۔ فائر بریگیڈ کو اس کی اطلاع دی گئی۔ فائر بریگیڈ کی دو گاڑیاں آگ بجھانے کے لیے پہنچیں۔ ریسکیو آپریشن کے دوران کئی کارکنوں کو اندر سے نکالا گیا۔ فائر بریگیڈ نے پھنسے ہوئے مزدوروں میں سے ولد رامشنکر، وشال ولد چٹن، سریندر ولد شیام لال، روہت ولد شیام لال، شیوم ولد رامشنکر، روی ولد کملیش کو باہر نکالا۔ سب کو پہلے ضلع اسپتال لے جایا گیا۔ وہاں حالت نازک ہونے پر سب کو کانپور ریفر کر دیا گیا۔ علاج کے دوران چھ مزدوروں کی موت ہو گئی۔ پولیس نے تمام لاشوں کو پوسٹ مارٹم کے لیے بھیج دیا ہے۔
کانپور دیہات کے ضلع افسر آلوک کمار سنگھ کا کہنا ہے کہ اس پورے معاملے کی سنجیدگی سے جانچ کی جائے گی۔ اس کے ساتھ ہی پتہ چل جائے گا کہ اتنی بڑی غفلت کیسے ہوئی۔ دوسری جانب فیکٹری آپریٹر مفرور بتایا جاتا ہے۔ ساتھ ہی پولیس نے آگ لگنے کے اس واقعہ کی تحقیقات شروع کر دی ہے۔ یہ پتہ لگایا جا رہا ہے کہ یہ حادثہ کس وجہ سے ہوا اور لاپرواہی کہاں ہوئی۔
غازی آباد میں المناک حادثہ: رہائشی مکان میں آتشزدگی، ایک ہی خاندان کے دو بچوں سمیت پانچ افراد ہلاک
