ممبئی میں او ٹی ایم نمائش میں راموجی فلم سٹی اسٹال کا چرچا رہا اور سیاحوں نے اس میں خاصی دلچسپی لی۔ ایشیا کی سب سے بڑی ٹورزم ایگزیبیشن آج ممبئی میں شروع ہوئی۔ اس نمائش میں دنیا بھر سے سیاحت صنعت سے وابستہ پیشہ ور افراد ممبئی کے بی کے سی میں واقع جیو سینٹر میں جمع ہوئے۔
اس سال کے او ٹی ایم یعنی آؤٹ باؤنڈ ٹریول مارٹ نمائش میں ایک ہزار 600 سے زائد اسٹالس موجود تھے جن میں چار ہزار سے زائد سیاح اور سیاحتی شعبہ سے دلچسپی رکھنے والے افراد نے شرکت کی۔ شاندار نمائش میں راموجی فلم سٹی کی اسٹال بھی تھی جس میں کافی سیاحوں نے بڑی دلچسپی دکھائی۔ ایشیا کے سب سے بڑے راموجی فلم سٹی کا مشاہدہ کرنے کی متعدد لوگوں نے دلچسپی ظاہر کی۔
نمائش کے دوران کچھ سیاحوں سے بات چیت کی گئی جنہوں نے راموجی فلم سٹی کے اسٹال کا دورہ کیا۔ سیاحوں کا کہنا ہے کہ راموجی فلم سٹی کی جانب سے ایک بہترین پیکیج فراہم کیا جارہا ہے، یہاں آپ کے بجٹ کے مطابق رہائش اور دیگر تفریحی سرگرمیاں کا انتظام ہیں۔ ہم نے چند سال پہلے راموجی فلم سٹی کا دورہ کیا تھا۔ یہاں کئی فلموں کے سیٹ ہیں۔ یہاں تفریح کے دوران ایسا محسوس ہوتا ہے کہ ہم کسی دوسری دنیا میں ہیں۔
اس موقع پر اسٹال سے متعلق جانکاری دیتے ہوئے راموجی فلم سٹی گروپ کے جنرل منیجر ہری نائر نے کہا کہ یہ فلم سٹی ایشیا کی سب سے بڑی فلم سٹی کے طور پر مشہور ہے۔ یہاں اب تک ساڑھے تین ہزار سے زائد فلموں کی شوٹنگ ہو چکی ہے۔ ان میں سے کچھ فلمیں سوپر ہٹ رہی ہیں۔ آپ اب بھی ان کے سیٹ یہاں دیکھ سکتے ہیں۔ فلم باہوبلی کا سیٹ یہاں کی خاص توجہ کا مرکز ہے۔
رامو جی فلم سٹی میں کل پانچ ہوٹل ہیں، جہاں آپ اپنے بجٹ کے مطابق ٹھہر سکتے ہیں۔ اگر آپ فائیو اسٹار ہوٹل میں رہنا چاہتے ہیں تو ستارہ ہوٹل آپ کی پہلی پسند ہوگی۔ یہاں آپ کے بجٹ کے مطابق 1000 روپئے میں بھی رہائش مل سکتی ہے۔ آپ اپنے اسکول کے دوستوں اور خاندان کے ساتھ یہاں جاسکتے ہیں۔
یہ بھی پڑھیں: Ramoji Film City Special Offer یوم خواتین کے موقع پر راموجی فلم سٹی کا انوکھا آفر - راموجی فلم سٹی
مزید بات کرتے ہوئے نائر نے کہا کہ ہم نے اپنے فلم سٹی میں ایک نیا تھیم پارک کا آغاز کیا ہے، جہاں آپ مختلف ایڈونچر گیمز کھیل سکتے ہیں۔ ان میں زپ لائننگ، رائفل شوٹنگ اور دیگر ایڈونچر گیمز شامل ہیں۔ یہاں کل 18 ایڈونچر گیمز کا انتظام کیا گیا ہے جو ایشیا میں نمبر ایک مقام رکھتا ہے۔
