مزدوروں نے یوگی اور ہیمنت حکومت کا شکریہ ادا کیا

جھانسی میں پھنسے ریاست جھارکھنڈ کے ضلع لاتیہار کے مزدوروں کی گھر واپسی ہو گئی، مزدوروں نے اس کے لیے اتر پردیش حکومت اور جھارکھنڈ حکومت کا شکریہ ادا کیا ہے۔

کورونا وبا کے دوران ریاست جھارکھنڈ حکومت کا مہاجر مزدوروں کو دوسرے ریاستوں سے جھارکھنڈ لانے کا کام جاری ہے۔ اسی تسلسل میں اتر پردیش حکومت اور جھارکھنڈ حکومت کی مشترکہ کوششوں سے جھانسی میں پھنسے لاتیہار ضلع کے 27 مزدوروں کو سڑک کے ذریعہ ضلع کے برواڈیح لایا گیا۔

برواڈیح پہنچنے کے بعد مزدوروں کا بلاک ڈویلپمنٹ آفیسر دنیش کمار، زونل آفیسر نت نکھل سورین، سب ڈویژنل پولیس آفیسر امر ناتھ، تھانہ انچارج دنیش کمار نے استقبال کیا۔

وہیں عہدیداروں نے تمام مزدوروں کو نجی گاڑیوں کے ذریعے ان کے گھر تک لے جانے کا کام کیا۔ جھانسی سے گھر واپسی کے دوران مزدوروں نے خوشی ظاہر کرتے ہوئے یوگی حکومت کا شکریہ ادا کیا۔ ساتھ ہی مزدوروں نے ہیمنت حکومت کا بھی شکریہ ادا کیا۔