خطہ جموں میں متعدد مقامات پر نگروٹہ حملے کے بعد پاکستان کے خلاف پھر سے احتجاج ہوا۔
تفصیلات کے مطابق شیو سینا ڈوگرہ فرنٹ کے کارکنان نے رانی پارک علاقے میں پارٹی صدر اشوک گھپتا کی صدارت پاکستان کے خلاف ایک احتجاجی ریلی نکالی۔
احتجاجیوں نے پاکستان کے وزیر اعظم عمران خان کا پتلہ نذر آتش کیا دوسری جانب شیو سینا کے کارکنان نے پارٹی صدر منیس سہانی کی قیادت میں پارٹی دفتر کے باہر پاکستان کے خلاف احتجاج کیا۔ بجرنگدل دل کے کارکنوں نے پریس کلب جموں میں پاکستان کے خلاف احتجاج کیا۔
بھارتی نژاد امریکی مالا اڈیگا جِل بائیڈن کی پالیسی ڈائرکٹر مقرر
شیو سینا ڈوگرہ فرنٹ کے صدر اشوک گھپتا نے نامہ نگاروں سے بات کرتے ہوئے کہا کہ 'پاکستان نے ایک بار پھر عسکریت پسندوں کو بھیج کر حملہ کرنے کی کوشش کی ہم اس کی مذمت کرتے ہیں اور جموں کشمیر پولیس کو مبارک باد پیش کرتے ہیں جنہوں نے عسکریت پسندوں کو کوشش کو ناکام بناتے ہوئے انہیں ہلاک کر دیا۔
انہوں نے گپکار ڈکلیریشن کے دستخط کندان کی بھی مذمت کی اور ان پر پاکستان کے اشاروں پر چلنے کا الزام دیا۔
واضح رہے جموں و کشمیر کے جموں کے نگروٹہ میں سکیورٹی فورسز اور عسکریت پسندوں کے درمیان تصادم میں چار عسکریت پسند ہلاک ہو گئے ہیں جبکہ دو سیکورٹی فورسز اہلکار زخمی بھی ہوئے۔
