جموں:لیفٹیننٹ گورنر منوج سنہا نے پیر کے روز کہا کہ جموں و کشمیر میں سکیورٹی میں کافی بہتری آئی ہے اور یہاں عسکریت پسندی اپنی آخری سانسیں لے رہی ہے۔ انہوں نے کہا کہ کشمیر میں کشمیری پنڈت ملازمین کے لیے رہائش کا انتظامات کیا گیا ہیں اور الاٹمنٹ تیزی سے مکمل کی جائے گی۔ موصوف نے ان باتوں کا اظہار جموں شہر کے مضافات میں ماتا بھدرکالی مندر میں کشمیری پنڈتوں سے خطاب کرتے ہوئے کیا۔
انہوں نے کہا کہ "کشمیر میں سکیورٹی کی صورتحال پہلے سے بہتر ہے اور میں یقین سے کہہ سکتا ہوں کہ عسکریت پسندی اپنی آخری سانسیں لے رہی ہے۔ماضی میں عسکریت پسندوں نے پنڈت کمیونٹی کے اندر خوف پیدا کرنے کے لیے انہیں نشانہ بنایا تھا۔"
انہوں نے کہا کہ پڑوسی ملک جان بوجھ کر جموں و کشمیر میں عسکریت پسندی کو بڑھانے کی کوشش کر رہا ہے۔جموں و کشمیر انتظامیہ کشمیری پنڈتوں, اقلیتوں کے تحفظ کو یقینی بنانے کے لیے ہر ممکن کوشش کر رہا ہیں اور پولیس اور سکیورٹی فورسز اس مقصد کے لیے انتھک محنت کر رہی ہیں۔
مزید پڑھیں: منوج سنہا کی رام نوامی کے موقع پر جموں میں ماتا بھدر کالی مندر میں پوجا
منوج سنہا نے کہا کشمیری پنڈت برادری سے تعلق رکھنے والے ملازمین کو رہائش کی ضروریات کے لیے وادی میں رعایتی نرخوں پر زمینیں فراہم کی جائیں گی۔اس کے علاوہ کشمیری پنڈت برادری سے تعلق رکھنے والے ملازمین کے لیے کشمیر میں رہائش کا انتظام کیا گیا ہے اور اس سلسلے میں الائنمٹ کا عمل تیزی سے مکمل کیا جائے گا۔انہوں نے مزید کہا کہ کشمیر بھر میں ان رہائش گاہوں پر سکیورٹی کے بڑھے ہوئے اقدامات کو لاگو کیا جائے گا تاکہ انہیں کوئی خطرہ نہ ہو۔
