ملک بھر کے ساتھ جموں کشمیر میں بھی عالمی وبا کورونا وائرس کے کیسز میں دن بہ دن اضافہ دیکھنے کو مل رہا ہے۔
جموں کشمیر میں انتظامیہ کورونا وائرس سے نمٹنے کے لئے کس طرح کے اقدامات کررہا ہے اس ضمن میں ای ٹی وی بھارت نے صحت و طبی تعلیم کے کمشنر سکریٹری اتل ڈلو سے خاص بات چیت کی۔
انہوں نے کہا کہ انتظامیہ بہت جلد صحت اسکیم متعارف کرنے جا رہا ہے جس سے عوام کو کافی فائدہ ہوگا۔
جموں کشمیر کے ہسپتالوں میں آکسیجن کی قلت کے حوالے سے پوچھے گئے سوال کے جواب میں انہوں نے دعویٰ کیا کہ جس طرح سے جموں و کشمیر انتظامیہ ہسپتالوں میں بیڈز کی تعداد میں اضافہ کررہا ہے۔ اسی طرح آکسیجن سلنڈرز کی سپلائی کو بھی درست کیا جارہا ہے۔
انہوں نے کہا کہ اس کے لئے محکمہ، جموں و کشمیر کے تمام ضلع اسپتالوں میں آکسیجن پلانٹ قائم کرنے جارہا ہے اور اس پر کام بھی شدومد سے جاری ہے تاکہ کورونا وائرس میں مبتلا مریضوں کا علاج ممکن ہوپائے۔
انہوں نے کہا کہ جموں و کشمیر انتظامیہ پرائیویت کمپنیوں سے کووڈ ویکسین خرید رہا ہے تاکہ بآسانی 18 سال سے 44 سال کی عمر والے افراد کو جلد از جلد کورونا وائرس کی ویکسین دی جاسکے۔
انہوں نے کہا کہ جموں کشمیر انتظامیہ ڈی ار ڈی او کی مدد سے دو ایمرجنسی ہسپتال تعمیر کرا رہا ہے۔
