سڑک حادثے میں نوجوان کی موت

جموں و کشمیر کے ضلع اننت ناگ کے کوکرناگ میں ایک دلدوز سڑک حادثہ پیش آیا جہاں ایک ٹپر اور اسکوٹی کے درمیان ٹکر ہوئی جس کی وجہ سے 16 برس کے اسکوٹی سوار کی موت واقع ہوئی۔

تفصیلات کے مطابق صوف شالی کے رہنے والے16 سالہ ساحل احمد لون آج شام اپنے گھر سے کسی کام سے نکلے تھے جس کے دوران بمڈورہ کے مقام پر ایک تیز رفتار ٹپر نے سیکوٹی سوار کو ٹکر مار دی۔ جس کے نتیجے میں سیکوٹی سوار زخمی ہوئے۔

زخمی شدہ سیکوٹی سوار کو مقامی لوگوں کی مدد سے کوکرناگ کے سب ڈسٹرکٹ اسپتال پنہچایا گیا، جہاں ان کی موت ہوئی۔

اس سلسلے میں کوکرناگ پولیس نے کیس درج کر کے معاملے کی تحقیقات شروع کی ہے۔ مزید تفصیلات کا انتظار۔۔