پولیس کے مطابق سرینگر کے ایم اے روڈ پر واقع ہوسٹل میں 30 مین اسٹریم سیاسی رہنما نظر بند ہیں جنہیں انتظامیہ نے گزشتہ ہفتے وہاں منتقل کیا ہے۔
سرینگر: سیاسی رہنماؤں کے موبائل فون ضبط
یہ رہنما 5 اگست سے سرینگر کے ڈل جھیل پر واقع سنتور ہوٹل میں نظر بند تھے۔ تاہم سرما کی شدید سردی کے پیش نظر ان کو انتظامیہ نے ایم ایل اے ہوسٹل منتقل کیا تھا۔
پولیس کے مطابق ان رہنماؤں سے موبائل فون ضبط کر کے معاملے کی تحقیقات شروع کر دی گئی ہے۔
ای ٹی وی بھارت سے بات کرتے ہوئے جموں و کشمیر پولیس کے ایڈیشنل ڈائریکٹر جنرل (لاء اینڈ آرڈر) خان نے کہا کہ 'پولیس نے ہوسٹل سے 11 موبائل فون ضبط کیے ہیں۔'
انہوں نے مزید کہا کہ 'اس معاملے کی تحقیقات کی جائے گی کہ ان کے پاس کیسے موبائل فون آئے۔'
