منڈى میں سیاسی و سماجی شخصیات کی جانب سے پریس کانفرنس
پونچھ :مرکز کے زیر انتظام یو ٹی جموں و کشمیر میں برتھ سرٹیفیکٹ اور ڈیتھ سارٹیفکٹ نہیں ملنے کی وجہ سے مقامی باشندوں میں زبردست تشویش پائی جارہی ہے۔ جس کو لیکر ضلع پونچھ کی تحصیل منڈی میں سیاسی و سماجی کارکنان کی جانب سے ایک پریس کانفرنس کا اہتمام کیا گیا۔ اس موقع پیر زادہ بلال مخدومی, سرپنچ بشیر احمد سرپنچ مبشر حسین بانڈے و سماجی کارکن عامر ہاشمی نے افسوس کا اظہار کرتے ہوئے کہا کہ تاریخ پیدائش اور ڈیتھ سرٹیفکٹس کے معاملہ کو لیکر عوام سخت پریشان ہوچکی ہے۔
انہوں نے کہا کہ اس سے قبل یہ سرٹیفکٹس تحصیل اور بلاک سطح لوگ حاصل کرتے تھے لیکن سرکار کی جانب سے جاری کردہ حکم نامہ کے مطابق اب ان سرٹیفکیٹس کو حاصل کرنے کے لیے لوگوں کو کورٹ کا رُخ کرنا پڑرہا ہے۔ جس سے لوگوں کو کئی طرح کی پریشانیوں کا سامنا کرنا پڑتا ہے۔
