کرونا وائرس کے خطرات کے پیش نظر میونسپل کونسل اننت ناگ متحرک ہو گئی ہے۔ جس کے باعث کونسل کے صدر ہلال احمد شاہ کی ہدایت پر اننت ناگ کے مختلف مقامات پر سینٹایزیشن کا عمل شروع کردیا گیا ہے۔
اننت ناگ: عوامی مقامات پر سینٹایزیشن شروع کی گئی
اس دوران میونسپل کونسل کے سبھی وارڈوں، جی ایم سی اننت ناگ و دیگر اہم مقامات پر صفائی ستھرائی کی گئی اور سینٹائزر کا چھڑکاؤ کیا گیا۔ تاکہ عوام کو مہلک وائرس سے محفوظ رکھا جا سکیں۔
ہلال شاہ نے کہا کہ مستقبل میں بھی انسانی جانوں کے تحفظ کو یقینی بنانے کے لیے اور کرونا وائرس کی وبائی صورتحال کے مدنظر اس طرح کے اقدامات جاری رہے گے۔
انہوں نے عوام سے اپیل کی کہ وہ احتیاطی تدابیر کا استعمال کریں اور صفائی ستھرائی کا خاص خیال رکھیں۔
