ریل کا ٹکٹ منسوخ کرنے پر چھوٹ کا اعلان

محکمہ ریلوے نے جموں و کشمیر سے سفر کرنے والے مسافروں کے لیے ریلوے ٹکٹ منسوخ کرانے پر لگنے والے چارجز پر چھوٹ دینے کا اعلان کیا ہے۔

سکیورٹی خدشات کے پیش نظر جموں و کشمیر کی انتظامیہ نے امرناتھ یاترا منسوخ ہونے کے بعد یاتریوں کے لیے واپس لوٹنے کی ایڈوائیزری جاری کی ہے۔

محکمہ ریلوے کا ٹکٹ منسوخ کرنے پر چھوٹ کا اعلان

اس کے پیش نظر بھارتی ریل نے جموں کٹرا اور اودھم پور اسٹیشنز سے سفر کرنے والے مسافروں کی ریزرو ٹکٹ کو منسوخ کیے جانے پر اس پر لگنے والی فیس میں منگل تک نہ لینے کا فیصلہ کیا ہے۔ ذرائع کے مطابق محکمہ ریلوے کی جانب سے آج صبح آٹھ بجے سے منگل کی صبح آٹھ بجے تک یہ سہولت دستیاب رہے گی ۔ واضح رہے کہ جموں و کشمیر کی گورنر انتظامیہ نے تمام امرناتھ یاتروں اور سیاحوں کو فوری طور پر وادی کشمیر سے واپس لوٹنے کی صلاح دی ہے۔اس ایڈوائزری کے مطابق ریاست میں شدت پسندانہ حملے کی اطلاع ہے۔