امراوتی: آندھرا پردیش کے وزیر اعلیٰ این چندرابابو نائیڈو نے تروملا کے سری وینکٹیشور سوامی مندر کے لڈوؤں میں ملاوٹ سے متعلق رپورٹ سامنے آنے کے بعد مندر میں بڑے پیمانہ پر صفائی کے اقدام کرنے کا ارلان کیا ہے۔ گذشتہ وائی ایس آر کانگریس پارٹی کی حکومت کے دوران استعمال کیے گئے غیر معیاری اجزاء کے الزامات کے بعد نائیڈو نے مندر کے قابل احترام 'پرسادم' کے لیے اعلیٰ معیار اور حفاظتی معیارات کو برقرار رکھنے کی اہمیت پر زور دیا، جو عقیدت مندوں کو تقسیم کیا جاتا ہے۔
مزید کہا کہ ہم لاپروہی کو برداشت نہیں کریں گے اور ہماری کوششیں اس بات کو یقینی بنائیں گی کہ مندر کے تقدس کو برقرار رکھا جائے،" انہوں نے کہا کہ نئی انتظامیہ سخت جانچ اور عقیدت مندوں کو پیش کیے جانے والے تمام کھانے کی نگرانی کے ساتھ آگے بڑھ رہی ہے۔ نائیڈو نے الزام لگایا کہ حالیہ تحقیقات میں 'پرسادم' کی تیاری میں ناقص اجزاء کے استعمال کا انکشاف ہوا ہے۔ انہوں نے ایک پریس ریلیز میں کہا، "ہم نے غیر معیاری مواد کے استعمال کی نشاندہی کرنے والے ٹھوس شواہد اکٹھے کیے ہیں، اور ہم ذمہ داروں کے خلاف سخت کارروائی کریں گے۔
نائیڈو نے سکریٹریٹ میں انا کینٹین کا افتتاح کے موقع پر یہ تبصرہ کیا کہ انا کینٹین غریب لوگوں کے لیے سبسڈی پر کھانا پیش کرتی ہیں۔ آئی ٹی وزیر نارا لوکیش، جو نائیڈو کے ساتھ موجود تھے، انہوں نے وائی ایس آر سی پی حکومت کی مزید مذمت کرتے ہوئے کہا کہ 'انادانم' (مفت کھانے کی خدمت) اور مشہور تروپتی لڈو کے معیار میں گراوٹ کی گئی۔ لوکیش نے کہا کہ پچھلی انتظامیہ کے دوران مندر کے کھانے کے نذرا میں ملاوٹ شدہ گھی کے مبینہ استعمال سے عقیدت مندوں کو ٹھیس پہنچائی گئی۔
مزید کہا کہ این ڈی اے حکومت کے اقتدار سنبھالنے کے فوراً بعد ہم نے نظام میں اصلاحات اور ماضی کی بے ضابطگیوں کو روکنے کے لیے مکمل اختیار کے ساتھ ایک نئے ایگزیکٹو آفیسر (ای او) کا تقرر کیا۔لوکیش نے کہا کہ مندر میں پیش کی جانے والی تمام اشیائے خوردونوش کے معیار کو یقینی بنانے کے لیے اب سخت اقدامات کیے جا رہے ہیں، بشمول گھی، چاول اور سبزیاں وغیرہ۔
لوکیش نے مزید انکشاف کیا کہ گھی کے نمونے نیشنل ڈیری ڈیولپمنٹ بورڈ (این ڈی ڈی بی) کی لیب کو تجزیہ کے لیے بھیجے گئے تھے۔
"نتائج پرسادم کے لیے استعمال ہونے والے گھی میں سور کی چربی، گائے کے گوشت کی چربی اور مچھلی کے تیل کی موجودگی کی تصدیق کرتے ہیں، لوکیش نے دعویٰ کیا۔ انہوں نے دہرایا کہ نائیڈو کی انتظامیہ عقیدت مندوں کے لیے کھانے کے معیار میں اعلیٰ ترین معیار کو برقرار رکھنے کے لیے پرعزم ہے۔
