جنوبی کشمیر کے ضلع اننت ناگ میں پولیو کے خاتمے کے لیے آج پلس پولیو ڈے کا افتتاح ڈی سی اننت ناگ انشل گارگ نے کیا۔
اس مہم کا آغاز ایم سی ایچ اننت ناگ میں ڈی سی نے سی ایم او ڈاکٹر مختار کے ہمراہ ایک نوزائیدہ بچے کو پولیو ڈراپ پلا کر کیا۔
ضلع اننت ناگ میں پلس پولیو کے لئے 650 بوتھ قائم کیے گئے ہیں اور 1.50 لاکھ کے قریب بچوں کو پولیو خراک پلانے کا ہدف ہے۔
محکمہ صحت کے علاوہ آنگن واڑی آشا ورکرز و دیگر متعلقہ محکموں کے عملے کی خدمات بھی اس مہم کے لیے حاصل کی گئی ہیں۔
اس موقع پر ڈی سی اننت ناگ نے ای ٹی وی بھارت سے بات کرتے ہوئے کہا کہ ضلع میں پولیو ویکسین وافر مقدار میں موجود ہے اور عوام سے اپیل کی جاتے ہے کہ وہ مہم کو کامیاب بنانے کے لیے اپنے بچوں کو نزدیکی پولیو مراکز لے جا کر پولیو مخالف دوائی پلائیں۔
واضح رہے کہ یہ مہم تین روز تک ہر برس چلائی جاتی ہے اور اس دوران کروڑوں بچوں کو پولیو کا ڈراپ پلایا جاتا ہے۔
