اس خاتون کے خلاف چارج شیٹ دائر کیا ہے جس کی تحویل سے پولیس کے مطابق گذشتہ سال ہندوارہ قصبے میں ایک ناکہ چیکنگ کے دوران لشکر طیبہ نامی شدت پسند تنظیم کے دھمکی آمیز پوسٹرز ضبط ہوئے تھے۔
ہندوارہ پولیس کی جانب سے جاری ایک بیان میں کہا گیا کہ گذشتہ سال کے اکتوبر ماہ کی 26 تاریخ کو ہندوارہ کے مین مارکیٹ میں سکیورٹی فورسز نے ناکہ چیکنگ کے دوران ایک خاتون سے لشکر طیبہ نامی شدت پسند تنظیم کے پوسٹرز برآمد کئے تھے جس کے پیش نظر خاتون کے خلاف ایک کیس درج کیا گیا تھا۔
بیان میں کہا گیا کہ تحقیقات مکمل ہونے کے بعد اب اس خاتون کے خلاف عدالت میں چارج شیٹ دائر کی گئی۔ چارج شیٹ میں خاتون کی شناخت حسینہ بیگم زوجہ محمد یوسف بٹ ساکن شیری بارہمولہ کے بطور کی گئی ہے اور کہا گیا ہے کہ موصوف خاتون لشکر طیبہ کے ساتھ وابستہ تھی اور کالعدم قرار دی گئی اس جنگجو تنظیم کی حامی تھی۔
