ادھم پور کے اضافی ڈپٹی کمشنر گورندر سنگھ کی جانب سے بروز منگل 61 عازمین حج کو ہری جھنڈی دکھا کر حج کے مقدس سفر پر روانہ کیا گیا۔عازمین حج کے قافلے میں 36 مرد، جبکہ 25 خواتین شامل ہیں۔
ادھم پور سے عازمین حج کا قافلہ روانہ
یہ عازمین پہلے سرینگر جائیں گے، پھر وہاں سے انھیں مکہ کے لیے روانہ کیا جائے گا۔
ایک عازم نے ای ٹی وی بھارت کو بتایا کہ یہ ان کی خوش قسمتی ہے کہ انھیں حج کا موقع مل رہا ہے۔ وہ حج کے دوران ملک و ریاست کی بھلائی اور آپسی رواداری کی دعائیں کریں گے۔
انہوں نے ضلع انتظامیہ کی تعریف کرتے ہوئے کہا کہ انتظامیہ کی جانب سے انھیں تمام سہولیات مہیا کرائی گئی۔
اس موقع پر ادھم پور میں کافی تعداد میں عازمین کے علاوہ ان کے متعلقین بھی موجود تھے۔
