گلمرگ کے گولف کورس میں منعقد کی گئی اس تقریب میں مرکزی وزیر کھیل کرن رجیجو نے بطور مہمان خصوصی شرکت کی جبکہ لفٹینٹ گورنر کے مشیر فاروق احمد خان، سپوٹس کونسل کے سیکرٹری ڈاکٹر نسیم جاوید چودھری، ضلع ترقیاتی کمشنر جی این ایتو کے علاوہ انتظامیہ کے اعلی عہدیدارن بھی تقریب میں موجودرہے۔
سرمائی کھیلوں سے متعلق اپنی نوعیت کے اس منفرد پروگرام میں کئی تمدنی پروگرام بھی پیش کیے گیے جس میں عام سنگیت کے علاوہ یہاں کے لوک سنگیت اور رقص کی بھی خوب نمائش کی گئی۔
کھیلو انڈیا کے تحت منعقدہ تقریب میں شائقین کی ایک بھاری تعداد موجود تھی جبکہ ملک کی کئی ریاستوں اور مرکز کے زیر انتظام علاقوں سے آئے ہوئے مختلف عمر کے کھیلاڑیوں نے بھی اس میں شرکت کی ۔
اس موقعے پر مرکزی وزیر نے کہا کہ مرکزی سرکار کےکھیلوڑیوں کو ہر طرح سہولت بہم رکھنے کے لیے وعدہ بند ہے۔
انہوں نے کہا کہ اس طرح کے کھیل مقابلوں سے نہ صرف سرمائی کھیلوں کو فروغ حاصل ہوگا بلکہ وادی کشمیر کی سیاحت اور تجارت کو بھی ایک نئی جہت ملے گی۔
وہیں کھلاڑیوں نے بھی اس طرح کے کھیل سرگرمیوں کے انعقاد پر خوشی کا اظہار کرتے ہوئے کہا کہ اس سے یہاں کے ان ابھرتے ہوئے سیکینگ کھیلاڑیوں کو ایک بہترین پلیٹ فارم بھی مہیا ہوگا جو اپنی صلاحیتوں کو دنیا تک پہنچانا چائیتے ہیں ۔
واضح رہےگلمرگ میں آج سے شروع ہوئے سرمائی کھیل مقابلے 11تاریخ تک جاری رہے گے۔
