جنوبی کشمیر کے شوپیان ضلع میں عسکریت پسندوں نے منی سکریٹریٹ میں تعینات سی آر پی ایف اہلکاروں پر فائرنگ کی تاہم کسی جانی نقصان کی کوئی اطلاع نہیں ہے۔
فورسز اہلکاروں نے علاقے کو گھیرے میں لیکر تلاشی مہم شروع کی ہے۔
ذرائع کے مطابق جمعہ کی علی الصبح 6 بجکر 25 منٹ پر عسکریت پسندوں نے آرہامہ شوپیاں میں واقع منی سکریٹریٹ میں تعینات سی آر پی ایف کے اہلکاروں پر فائرنگ کی جس کی سی آر پی ایف اہلکاروں نے بھی جوابی کارروائی کی، تاہم کسی بھی طرح کے جانی نقصان کی کوئی اطلاع نہیں ہے۔
فورسز اہلکاروں نے علاقے کو گھیرے میں لیکر حملہ آواروں کی تلاش شروع کردی ہے۔
