جنوبی کشمیر کے شوپیان ضلع کے مضافاتی علاقہ یارون کیلر کے جنگلات سے سکیورٹی فورسز نے عسکریت پسندوں کی ایک پناہ گاہ کا پتہ لگاکر اس سے بڑے پیمانے پر ضروریات زندگی کی مختلف چیزیں بھی برآمد کی ہیں۔
پولیس ذرائع کے مطابق فوج اور پولیس نے مشترکہ کارروائی کے دوران کیلر شوپیان کے یارون جنگلات میں جمعرات کے روز جنگلات میں تلاشی مہم شروع کی جس دوران جنگلات سے بڑے پیمانے پر عسکریت پسندو کی طرفسے روز مرہ زندگی میں استعمال ہونے والی کہی چیزیں برآمد کی ہے۔
واضح رہے کہ اس سے قبل وسطی کشمیر کے ضلع بڈگام میں پولیس نے شدت پسند تنظیم لشکر طیبہ سے وابستہ عسکریت پسندوں کی پناہ گاہ کو تباہ اور پانچ معاون کو گرفتار کیا ہے۔
پولیس کے مطابق گرفتار شدہ معاون کی شناخت کرہامہ بڈگام سے تعلق رکھنے والے عمران رشید، چیک کاوسا کے افشان احمد گنائی،کاوسا خلیسہ کے اویس احمد، کرہامہ کے محسن قادر، ماگام کے عابد راتھر کے طور پر ہوئی ہے۔
