جموں کشمیر کے تحصیل مینڈھر میں انسانیت کو شرمسار کرنے والا ایک واقعہ پیش ایا ہے جس میں ایک 45 سالہ شخص نے 13 سالہ معصوم بچی کو اپنی ہوس کا شکار بنایا۔
اطلاعات کے مطابق متاثرہ نے گھر والوں سے پیٹ میں زبردست تکلیف کی شکایت کی جس کے بعد انہیں ہسپتال منتقل کیا گیا جہاں ڈاکٹروں نے معصوم کو چار ماہ کی حاملہ بتایا۔ یہ سُن کر گھر والوں پر آسمان ٹوٹ پڑا۔
جب گھر والوں نے بچی سے معاملہ کا سبب پوچھا تو بچی نے بتایا کہ محلے میں رہنے والا ایک شخص اس کی حالت کا ذمہ دار ہے۔ اس نے بتایا کہ جب گھر میں کوئی نہیں ہوتا تھا تو وہ گھر میں داخل ہوجاتا اور اسے ہوس کا نشانہ بناتا۔
بعدازاں اہل خانہ پولیس اسٹیشن پہنچ گئے اور ملزم کے خلاف مقدمہ درج کیا۔ ملزم کی شناخت اکبر حسین شاہ ولد کاکا حسین شاہ، عمر 45، ساکنہ مینڈھر کے طور ہوئی ہے۔
پولیس نے ملزم کے گھر پر چھاپہ مار کر اسے گرفتار کرلیا ہے اور اس کے خلاف ایف آئی آر زیر نمبر 170/2019 درج کر لیا ہے۔
متاثرہ کے گھر والوں نے ملزم کو عبرتناک سزا دینے کا مطالبہ کیا ہے تاکہ ائندہ ایسے واقعات پیش نہ ائے۔
