گاندربل: سالانہ امرناتھ یاترا اگرچہ پچھلے ایک ماہ سے جاری ہے، جس کے دوران چار لاکھ پچیس ہزار سے زیادہ یاتری امرناتھ گپھا کے درشن کر چکے ہیں۔ وہیں یاتریوں کو بالتل بیس کیمپ سے کھانے پینے اور رہنے کے علاوہ دیگر سہولیات بھی فراہم کی جارہی ہیں۔ اس سال بالتل سے دومیل تک راستہ ٹھیک ہونے کی وجہ سے ای آٹو رکشا بھی یاتریوں کو فراہم کیا جا رہا ہے۔ وہیں ایک لنگر مالک کی طرف سے یاتریوں کو بالتل سے امرناتھ گپھا کی طرف جانے کے دوران سر کو محفوظ رکھنے کیلئے ہیلمیٹ دی جا رہی ہے تاکہ پہاڑوں سے گرنے والے پتھروں سے سر کو بچایا جاسکے۔
تفصیلات کے مطابق روزانہ ہزاروں یاتریوں کو ایک لنگر کے ان سیواداروں کی جانب سے ہر روز یاتریوں کو ہیلمیٹ دۓ جاتے ہیں۔ اس سلسلے میں سوامی جی جو لنگر چلاتے ہیں، نے کہا کہ دراصل میں نے ایک خاتون کو چند سال پہلے یاترا کے دوران پتھر لگنے سے اسکی موت ہوتے ہوئے دیکھی ہے اور یہی وجہ ہے کہ میں نے اسی وقت یہ سوچا کہ میں یاتریوں کے سر کو بچانے کیلئے کچھ کروں اور یہ قدم میں نے پھر اٹھایا۔
یہ بھی پڑھیں:Appointment Letter to Slain pandit’s wife: ایل جی سنہا نے سنیل پنڈت کی اہلیہ کو تقرری نامہ سونپا
ان کا کہنا ہے کہ ہم اپنے آپ کو خوش قسمت سمجھ رہے ہیں کیونکہ ہم کسی کی جان بچانے کے کام آتے ہیں۔انہوں نے خاص کر یاتریوں سے اپیل کی ہے کہ یاترا پر جانے سے پہلے ہیلمیٹ کا استعمال ضرور کریں تاکہ سر کو پتھر لگنے سے بچایا جا سکے۔
