سوپور: جے کے پولیس نے طبی عملہ کی حوصلہ افزائی کی

شمالی کشمیر کے ضلع بارہمولہ کے سوپور قصبے میں آج جموں و کشمیر پولیس کی جانب سے کورونا وائرس کے خلاف جاری جنگ میں کام کر رہے طبی عملہ کی حوصلہ افزائی کی گئی۔

اس موقع پر ای ٹی وی بھارت کے ساتھ بات کرتے ہوئے ایس ڈی پی او سوپور پولیس راجہ ماجد نے کہا کہ' آج سوپور کے سب ضلع اسپتال میں ڈی جی پی کی ہدایت پر ڈاکٹرز، ہیلتھ ورکرس اور فرنٹ لائن پر کام کر رہے افراد کی حوصلہ افزائی کی گئی۔ یہ افراد ان مشکل ترین حالات کے دوران دن رات اپنی جان کی پراوہ کئے بغیر کووڈ-19 کے مریضوں کی خدمت کر رہے ہیں۔'

اس دوران بی ایم او سوپور ڈاکٹر آصف کھانڈے نے کہا کہ ' ہم سوپور پولیس کا شکریہ کرتے ہیں کہ وہ بھی ہمارے ساتھ ان مشکل حالات میں اپنا بھر پور تعاون پیش کر رہی ہے ۔

انہوں نے لوگوں سے اپیل کی کہ وہ اپنے گھروں میں رہیں اور زیادہ باہر نہ نکلے تاکہ اس مہلک بیماری پر قابو پایا جاسکے۔