سرکاری انتظامیہ کی طرف سے ترال کے گوٹینگو سے سو یناڈ تک مجوزہ رابطہ سڑک بنانے اور سڑک کے لیے استعمال کی جا رہی سڑک میں زرعی اراضی کو مفت میں لینے کے خلاف آج مقامی لوگوں نے زبردست احتجاج کیا اور انتظامیہ سے اپیل کی کہ سڑک کو دیہی ترقی کے بجائے پی ایم جی ایس وائی ایجنسی کے ذریعے تعمیر کیا جائے۔
تفصیلات کے مطابق ترال کے دور افتادہ دیہات سویناڈ، گوٹینگو، دیدار پورہ اور ززبل دیہات کے لوگوں نے مین ٹاون ترال آ کر مشہور پارک دلناگ ترال میں احتجاجی مظاہرے کیے۔
مظاہرین ہم کیا چاہتے انصاف کے نعرے بلند کر رہے تھے۔ مظاہرین کے بقول بیک ٹو ولیج تھری کے حالیہ پروگرام میں وہاں کچھ حلقوں نے رابطہ سڑک بنانے کا مطالبہ رکھا اور اب انتظامیہ نے اس سڑک کو دیہی ترقی کے محکمے کے ذریعے بنانے کی تیاری شروع کی ہے جس کی وجہ سے زمین مالکان کی نیند حرام ہوئی ہے۔
زمینداروں کے لیے شعور بیداری مہم
جن لوگوں کی زمین سڑک کی تعمیر و تجدید میں استعمال ہو گی ان کو معاوضہ نہیں دیا جائے گا۔ ان کا کہنا تھا کہ وہ سڑک بنانے کے خلاف نہیں ہے لیکن یہ سڑک اگر پی ایم جی ایس وائی محکمے کے ذریعے تعمیر کی جاتی تو ان کو زمین کا معاوضہ بھی مل جاتا جس سے ان کا اہل و عیال بھی متاثر نہ ہوتا۔
ان لوگوں نے ایل جی انتظامیہ سے اپیل کی کہ اس مجوزہ سڑک کی تعمیر کا کام پی ایم جی ایس وائی محکمے کے ذریعے کرایا جائے۔
