ماسٹرز فورم کا پلوامہ میں احتجاج

ریاست جموں و کشمیر کے ضلع پلوامہ کے ماسٹرز فورم نے آج پلوامہ کے ڈی سی آفس میں احتجاج کیا۔

احتجاج میں شامل اساتذہ تنخواہ کی ادائیگی کا مطالبہ کر رہے تھے۔

گورنر انتظامیہ پر الزام عائد کرتے ہوئے انہوں نے کہا کہ انہیں پچھلے پانچ ماہ سے تنخواہ سے محروم رکھا گیا ہے جس کے چلتے ان کے اہل خانہ فاقہ کشی پر مجبور ہیں۔

انہوں نے یہ بھی الزام لگایا کہ دیگر محکموں کے ملازموں کو وقت پر تنخواہیں واگزار کی جاتی ہے۔

انہوں نے حکام سے اپیل کی ہے کہ ان کی تنخواہ جلد سے جلد واگزار کی جائے ۔

احتجاج کرنے والے اساتذہ نے کہا کہ اگر انہیں تنخواہ کی ادائیگی نہیں کی گئی تو وہ ضلع میں قائم 140 ایس ایس اے اسکولوں میں تالا لگادیں گے۔