کشمیر میں ہڑتال

کشمیر میں یوم شہداء کی یاد میں اوران کو خراج تحسین پیش کرنے کیلئے علیحدگی پسند قیادت نے ہڑتال کی کال دی ہے۔ جس سے عام زندگی مفلوج ہوکر رہ گئی ہے۔

ہڑتال کی وجہ سے وادی میں تعلیمی اور کاروباری ادارے بند کر دیے گیے ہیں، وہیں سڑکوں پر آمدو رفت معطل ہے۔
سرکار کی طرف سے شہداء کی یاد میں آج کا دن چھٹی کے طور منایا جاتا ہے، اور حکومت بھی ان شہداء کو خراج تحسین پیش کرتی ہے۔

ریاست میں بی جے پی کے بغیر تمام سیاسی جماعتیں آج کے دن ان شہداء کو سرینگر کے شہر خاص میں واقع شہداء مزار پر جا کر ان کے مقبرے پر حاضری دے کر خراج تحسین پیش کرتے ہیں۔یاد رہے کہ سنہ1931 میں آج ہی کے دن ڈوگرہ راجہ مہاراجہ ہری سنگھ کے اقتدار میں 22 عام شہریوں کو انکی اقتدار کے خلاف احتجاج کرنے پر ہلاک کیا گیا تھا۔

1931 سے 13 جولائی کو یوم شہداء کی یاد میں منایا جاتا ہے۔