وادی کشمیر میں جہاں حالیہ بھاری برفباری کی وجہ سے روز مرہ کی زندگی متاثر ہوئی ہے اور انتظامیہ برفباری سے پیدا شدہ صورتحال سے نمٹنے کے لیے کئی اقدامات اٹھانے میں مصروف ہے۔
وادی میں ان دنوں سمگلرز جنگلوں میں برفباری کے باوجود سر سبز درختوں کو کاٹ کر اس کو سمگل کرنے میں سرگرم ہیں۔
وسطی کشمیر کے ضلع گاندربل میں محکمہ جنگلات اور فارسٹ پروٹیکشن فورس نے مشترکہ کاروائی کے دوران سندھ رینج سے کاٹی گئی لکڑی کو پرینگ علاقے کے نزدیک پاور کنال سے ضبط کیا ہے۔
محکمہ جنگالات کے مطابق اس لکڑی کو پاور کنال سے دوسرے علاقے میں اسمگل کرنے کی کوشش کی جارہی تھی ۔
محکمہ کے حکام کا کہنا ہے کہ اگرچہ یہ عمارتی لکڑی برفباری سے پہلے جنگل سے کاٹی گئی تھی اور برف کی وجہ سے راستے بند پڑے ہیں اس لئے جنگل سمگلروں نے اس کو پانی کے راستے سمگل کرنے کی کوشش کی جس کو محکمے کی بروقت کاروائی سے ناکام بنا دیا گیا۔
