نمائندے کے مطابق سرینگر کے ایس ایم ایچ ایس ہسپتال کے نزدیک ناکے پر عسکریت پسندوں نے گرینیڈ حملہ کیا جس کے نتیجے میں چھ سی آر پی ایف اہلکار زخمی ہو گئے ہیں۔ زخمی اہلکاروں کی شناخت سب انسپکٹر ناتھل ناتھ، سینیئر گریڈ کانسٹبل گریدھر سی، ہیڈ کانسٹبل ایم سی داس، کانسٹبل منٹو نائک، کانسٹبل دیوجی سنگھ اور کانسٹسبل ڈی این ساہو کے طور پر ہوئی ہے۔
زخمیوں کو سرینگر کے بی بی کینٹ بادامی باغ ہسپتال منتقل کیا گیا ہے جہاں ان کی حالت بہتر بتائی جا رہی ہے۔
واقعے کی تصدیق کرتے ہوئے سی آر پی ایف کے اعلیٰ افسران نے کہا کہ 'ایس ایم ایچ ایس ہسپتال کے نزدیک سی آر پی ایف کی 144 بٹالین پر عسکریت پسندوں نے گرینیڈ داغا جس کے نتیجے میں سی آر پی ایف کے چھ (6) اہلکار زخمی ہو گئے۔' انہوں نے مزید کہا کہ 'گرینیڈ پھینکنے کے بعد عسکریت پسند موقعے سے فرار ہو گئے۔ ہسپتال سمیت علاقے کو محاصرے میں لے کر عسکریت پسندوں کی تلاش شروع کر دی گئی ہے۔
