حکومت نے مرکزی علاقے جموں و کشمیر میں اسکولوں، کالجوں اور یونیورسٹیوں میں 'بہترین استاد ایوارڈ' دینے کے لیے پانچ رکنی کمیٹی تشکیل دی ہے۔
حکومت نے جموں و کشمیر بھر میں بہترین ٹیچر ایوارڈ کے لئے پانچ رکنی کمیٹی تشکیل دینے کی منظوری دی ہے۔
حکومت کی جانب سے جاری کردہ حکمنامے میں کہا گیا ہے کہ 'جموں و کشمیر میں اسکولوں/ کالجوں/ یونیورسٹیوں میں ٹیچرز / ٹیچنگ فیکلٹی کے لئے بہترین استاد ایوارڈ کے قیام کے بارے میں تجویز کی جانچ کے لیے کمیٹی کی تشکیل کی منظوری دی گئی ہے۔'
حکمنامے کے مطابق گورنمنٹ ہاؤسنگ اینڈ اربن ڈیولپمنٹ ڈپارٹمنٹ کے پرنسپل سیکریٹری، لیفٹیننٹ گورنر کے پرنسپل سکریٹری، گورنمنٹ کے ایڈمنسٹریٹری سیکریٹری، اسکول ایجوکیشن ڈپارٹمنٹ اور گورنمنٹ کے کمشنر سیکریٹری، محکمہ ہائر ایجوکیشن اس کمیٹی کے رکن ہوں گے جبکہ پرنسپل سیکریٹری حکومت، محکمہ اطلاعات اس کا کنوینر رکن ہوگا۔
کمیٹی کو 15 جنوری تک یا اس سے پہلے اپنے حتمی خیالات اور سفارشات پیش کرنے کو کہا گیا ہے۔
