ترال: مرکز کے زیر انتظام یوٹی جموں و کشمیر کے خانہ بدوش افراد کو مال مویشی کشمیر کے مختلف علاقوں تک پہنچانے کے لیے آج ترال میں محکمہ شیپ نے تین گاڑیوں کو جھنڈی دکھاکر روانہ کیا۔ انتظامیہ کے اس قدم سے مقامی باشندوں کی پریشانیوں کچھ حد تک کم ہوسکتی ہے۔اس موقع پر محکمہ کے آفیسران نے بتایا کہ گزشتہ برس سے اس اسکیم۔کے تحت کشمیر کی بہکوں میں مال مویشی چرانے والے خانہ بدوش افراد کو گاڑیوں کی سہولت فراہم کی جاتی ہے تاکہ انہیں کوئی نقصان نہ پہنچے۔
خانہ بدوش افراد نے محکمہ شیپ کے ساتھ ساتھ ضلع انتظامیہ پلوامہ کا اس اقدام کے لیے شکریہ ادا کیا۔ای ٹی وی بھارت کے ساتھ بات کرتے ہوئے کئ خانہ بدوش افراد نے بتایا کہ کشمیر سے چل کر جموں خطے میں پہنچنے تک ان کو وقت بھی لگتا تھا اور بعض اوقات ان کے مال۔مویشی کو نقصان بھی پہنچتا تھا تاہم۔سرکار نے مفت ٹرانسپورٹ سہولیات فراہم کرکے ہم غریبوں کے لیے بہت ہی اچھا قدم اٹھایا ہے جسکے لیے ہم۔متعلقین کا شکریہ ادا کرتے ہیں
یہ بھی پڑھیں: Cleaning Drive In Srinagar سوچھ بھارت کے تحت ایل سی ایم نے صفائی مہم کا آغاز کیا
ضلع شیپ آفیسر پلوامہ ڈاکٹر محمد اشرف نے بتایا کہ امسال پلوامہ ضلع میں پانچ مقامات ترال، آری پل، ووین، پلوامہ اور شادی مرگ کی نشاندہی کی گئی ہے جہاں سے خانہ بدوش قبیلے کے لوگوں کو مفت گا ڈیوں کی سہولت فراہم رکھی جائے گی اور، ہماری کوشش رہے گی کہ امسال گزشتہ برس کے مقابلے ان کے لیے زیادہ مناسب انتظامات ہوں ۔
