ای ٹی وی بھارت کو معلوم ہوا ہے کہ جنوبی کشمیر کے ترال کے خانہ گنڈ آری پل علاقے میں وائلڈ لائف ایریا میں یہ آگ کھریو پامپور جنگلات سے نمودار ہوئی اور جلد ہی اس نے ایک وسیع علاقے کو اپنی لپیٹ میں لے لیا۔
آگ کی وجہ سے سبز سونے کو بڑے پیمانے پر نقصان پہنچنے کا خدشہ ظاہر کیا جا رہا ہے۔ مقامی لوگوں کے مطابق بھیانک آگ کے شعلے دور دور تک دکھائی دے رہے ہیں۔
معلوم ہوا ہے کہ وائلڈ لائف اور جنگلات کی مشترکہ ٹیمیں آگ کو قابو کرنے کی کوشش کر رہی ہیں تاہم اب تک انھیں کامیابی نہیں ملی ہیں۔
اس ضمن میں ای ٹی وی بھارت کے نمائندے نے رینج آفیسر وائلڈ لائف ایریا ترال خورشید اقبال سے کئی مرتبہ فون پر رابطہ قائم کرنے کی کوشش کی لیکن انھوں نے فون اٹھانے کی زحمت گوارا نہیں کی۔
واضح رہے کہ گزشتہ دنوں بھی ترال کے کملا جنگلات میں آتشزدگی سے سبز سونے کو نقصان پہنچا تھا.
