'الیکٹرک بسز چلانے میں کوئی دقت نہیں ہو گی'

وادی کشمیر میں 20 نئی الیکٹرک بسز خدمات شروع ہونے پر اسٹیٹ روڈ ٹرانسپورٹ کارپوریشن کے ڈرائیورز کا کہنا ہے کہ ان گاڑیوں کو چلانے سے پہلے ان کو ٹریننگ دی گئی جس سے ان کو بسز چلانے میں کوئی پریشانی نہیں ہوگی۔

ای ٹی وی بھارت سے بات کرتے ہوئے ایس آر ٹی سی کے ڈرائیورز نے کہا کہ مسافروں کو سفر کرنے میں سہولت ہوگی لیکن انہیں گاڑیوں کو محفوظ رکھنا چاہیے۔

انہوں نے کہا کہ نئی گاڑیاں ماحولیاتی آلودگی پیدا نہیں کرے گی کیوںکہ ان میں ایندھن درکار نہیں ہے۔

خیال رہے کہ گورنر انتظامیہ نے ریاست کے جموں اور سرینگر شہروں میں 40 نئی الیکٹرک بسز کو مسافروں کے سفر کو آسان بنانے کے لیے مہیا کرایا ہے۔

ان بسز کا افتتاح ریاست کے گورنر ستیہ پال ملک نے آج سرینگر کے ایس کے ای سی سی میں کیا۔