بانڈی پورہ: سڑک پر گندہ پانی بہنے سے عوام الناس کو پریشانی

بانڈی پورہ کے شادہ پورہ گاؤں میں ڈرینیج کا نظام مناسب نہ ہونے کی وجہ سے سڑکوں پر پانی جمع ہونے سے مقامی دکانداروں اور راہگیروں کو کافی مشکلات کا سامنا کرنا پڑرہا ہے۔ لوگوں ںے گورنر انتظامیہ سے اسے حل کرنے کی گزارش کی ہے۔

شمالی کشمیر کے ضلع بانڈی پورہ کے شادہ پورہ گاؤں میں ڈرینیج کا نظام مناسب نہ ہونے کی وجہ سے سڑکوں پر پانی جمع ہونے سے مقامی دکانداروں اور راہگیروں کو بہت مشکلات کا سامنا کرنا پڑ رہا ہے۔
مقامی لوگوں کے مطابق جب بھی بارشیں ہوتی ہیں تو یہاں سڑکوں پر دکانوں کے آس پاس پانی جمع ہو جاتا ہے اور اس وجہ سے گندگی بھی پھیل رہی ہے۔ جس سے مقامی افراد اور راہگیروں کو پریشانیوں کا سامنا کرنا پڑتا ہے۔

لوگوں نے بتایا کہ انہوں نے پچھلے مہینوں کے دوران انتظامیہ کو اس بارے میں مطلع کیا تاہم اس معاملے میں کوئی قدم نہیں اٹھایا گیا۔ انہوں نے بتایا کہ علاقے میں مناسب ڈرینیج کا نظام نہ ہونے کی وجہ سے انہیں کافی مشکلات کا سامنا ہے۔ انہوں نے لیفٹیننٹ گورنر انتظامیہ سے مطالبہ کیا ہے کہ علاقے میں مناسب ڈرینیج سسٹم کے لئے اقدامات اٹھائے جائیں تاکہ مقامی بستی کے علاوہ یہاں سے چلتے پھرتے راہگیروں کو بھی دشواریوں کا سامنا نہ کرنا پڑے۔