کورونا وائرس کا مقابلہ کرنے کے لیے ملک میں نافذ لاک ڈاؤن کی وجہ سے جہاں ہر شعبہ خاموش ہوکر رہ گیا وہیں اس موجود صورتحال کی وجہ سے عام لوگوں کو شدید دشواریوں کا سامنا کرنا پڑرہا ہے۔
مسلسل لاک ڈوان کی وجہ سے لوگوں میں غذائی اجناس و دیگر ضروری اشیاء کی سخت کمی پائی جارہی ہے اور وہیں لوگوں کی نقل و حرکت پر عائد پابندی کے سبب نقدی رقم بھی لوگوں کو ختم ہوگئی ہے۔ جس کی وجہ لوگوں کے مشکلاتوں میں مزید اضافہ ہوا ہے لیکن ان موجودہ حالات کے باوجود بھی گرامین بینک ہندوارہ لوگوں کی خدمات کے لیے پیش پیش ہے اور صارفین کو کوئی پریشانی نہیں ہونے دے رہے رہا ہے۔
گرامین بینک ایک واحد بینک ہے جو ان موجودہ حالات میں کھلا رہتا ہے اور صارفین کے لئے اپنی سروس کہیا کر رہا ہے۔
گرامین بینک ہندوارہ کے مینیجرحاجی مشتاق احمد نے کہا کہ ان موجودہ حالات میں حکومت نے اگرچہ کئی سرکاری اداروں کو کھلے رہنے کی اجازت دی ہے وہیں بینکوں کو بھی کھلے رکھنے کی ہدایت جاری کی تھی۔ اس ہدایت کی تعمیل کرکے ہم نے بینک کا کام کاج جاری رکھا ہوا ہے۔
حاجی مشتاق احمد نے مزید کہا کہ موجودہ صورتحال کے دوران غریب لوگ اس میں زیادہ پریشان ہوتے ہیں کیونکہ ان افراد کے پاس اے ٹی ایم کارڑ وغیرہ نہیں ہوتے ہیں۔
انہوں نے کہا کہ' بنکز کو بھی اسپیشل سروس میں لایا گیا ہے۔ ان لوگوں کی پریشانی کو دور کرنے کے لئے بینک کا کام کاج جاری ہے۔ خاص کر گرامین بینک ان دنوں اپنے صارفین کے لئے ہر وقت کھلا ہے اور ان لوگوں کو ڈسٹنس حساب سے انہیں پیسے دے گئے۔ ہمارا بھی فرض بنتا ہے کہ ہم لوگوں کی خدمت کرنے کے پیش پیش ر ہیں۔
