ایس ڈی ایم سانکو نے بتایا کہ فون کال پرضرورتمندوں کو ادویات بھی پہنچائی جائے گی۔انہوں نے مزید بتایا کہ سورو ویلی ڈویژن کے ذریعہ سانکو مارکیٹ کی صاف صفائی کی جائے گی۔
ایس ڈی ایم غلام محی الدین وانی نے سانکو و کرگل کی عوام سے اپیل کی ہے کہ کورونا وائرس پر قابو پانے کے لیے جاری اقدامات میں انتظامیہ اور محکمہ صحت کے ساتھ بھر پور تعاون کریں۔
ایس ڈی ایم سانکو نے کہا کہ انتظامیہ عوام کی فلاح و بہبود اور خدمات کے لیے ہمہ وقت پوری طرح پرعزم ہے۔
واضح رہے کہ کورونا وائرس کا کل ضلع کرگل سے پہلا مثبت کیس سامنے آنے کے بعد سانکو سب ڈویژن کے ہیڈکواٹر کو مکمل لاک ڈاون کردیا گیا ہے انتظامیہ پوری طرح سے مستعد اور چاک وچوکس نظر آرہی ہے تاکہ اس دوران عوام کو کسی بھی مشکلات کا سامنا نہ کرنا پڑے۔
