اننت ناگ میں کانگریس کا روڈ شو

ریاست جموں و کشمیر کے جنوبی ضلع اننت ناگ کے حساس ترین علاقے میں بھی اس سال پہلی بار کوئی سیاسی جماعت روڈ شو کرنے میں کامیاب ہو گئی۔

ریاستی کانگریس کی جانب سے آج اننت ناگ میں ایک روڈ شو کا انعقاد کیا گیا۔

روڈ شو میں موٹر سائیکل سواروں کی کافی تعداد کے ساتھ ساتھ گاڑیوں کی لمبی قطار نظر آئی جو ضلع کے مختلف علاقوں سے گزری۔

اس موقع پر ریاستی کانگریس کے صدر و اننت ناگ پارلیمانی نشست کے امیدوار غلام احمد میر نے ضلع اننت ناگ کے مختلف علاقوں میں لوگوں سے اپیل کی کہ وہ 23 تاریخ کو ہاتھ کے نشان پر مہر ثبت کر کے کانگریس کے نمائندے کو کامیاب بنائیں۔

واضح رہے کہ عسکریت پسندوں نے ریاستی عوام کو انتخابی مہم سے دور رہنے اپیل کی ہے۔