شوپیان کے قصبہ میں سرچ آپریشن

شوپیان کے ڈار محلہ کے تمام راستوں کو سیل کر دیا گیا ہے اور گھر گھر تلاشی کارروائی جاری ہے۔

جنوبی کشمیر کے شوپیان کے ڈار محلہ میں سکیورٹی فورسز نے ہفتے کی رات تلاشی آپریشن شروع کیا ہے۔

تفصیلات کے مطابق فوج کی 44 راشٹریہ رائفلز، سی آر پی ایف کی 14 بٹالین اور جموں و کشمیر پولیس نے مشترکہ طور پر قصبہ شوپیان کے ڈار محلہ کو محاصرے میں لے لیا اور تلاشی کارروائی شروع کردی ہیں۔

مقامی لوگوں کے مطابق سکیورٹی اہلکاروں نے ہفتے کی رات قریب 8 بجکر 40 منٹ پر ڈار محلہ کو محاصرے میں لے لیا کر تلاشی کارروائی شروع کر دی ہے۔

اس دوران علاقے کے تمام راستوں کو سیل کر دیا گیا ہے اور گھر گھر تلاشی کارروائی جاری ہے۔

مزید تفصیلات کا انتظار ہے۔