یہ اجلاس کھنہ بل ڈاک بنگلو میں پارٹی دفتر پر منعقد کیا گیا جس کی صدارت بی جے پی کے نائب ریاستی صدر صوفی محمد یوسف کر رہےتھے۔
اس موقعہ پر جموں و کشمیر اقلیتی مورچہ کے صدر شیخ بشیر سمیت پارٹی کے کئی سرکردہ رہنما موجود تھے۔
اجلاس کے دوران پارٹی کو بنیادی سطح پر مضبوط بنانے کے لیے ایک منظم لائحہ عمل ترتیب دینے پر گفتگو شنید کی گئی۔
اس موقعہ پر لیڈران نے اپنی تقاریر کے دوران لوگوں سے سرکاری احکامات اور بچاؤ و احتیاطی تدابیر پر عمل کرنے کی تلقین کی اور لاک ڈاؤن میں نرمی لانے پر وزیراعظم نریندر مودی کا شکریہ ادا کیا۔
صوفی یوسف نے اقلیتی مورچہ کی سراہنا کرتے ہوئے کہا کہ انہوں نے لاک ڈاؤن کے دوران ضرورت مندوں تک راشن پہنچانے میں اپنا کلیدی کردار ادا کیا ہے۔
اجلاس کے دوران صوفی یوسف کو کشمیر کا 'کُو انچارج' بنانے پر مبارکباد پیش کی گئی اور پھولوں کی مالائیں پہنا کر ان کی عزت افزائی کی گئی۔
